Tge è Mediomatix? Finamiras?

Cun il project Mediomatix (da meds idiomatics) è la Scola auta da pedagogia (SAPGR) vegnida incumbensada dal Departament d’educaziun dal Grischun d’elavurar tranter 2016-2021 in nov med d’instrucziun da lingua en ils quatter idioms rumantschs sursilvan, sutsilvan, puter e vallader per la 2. classa primara fin la 3. classa dal stgalim sec. I. Il december 2020 ha la Regenza dà glisch verda per elavurar in nov med d'instrucziun da lingua surmiran. Quests meds cumparan medemamein en la retscha Mediomatix tranter 2022-2029.

Finamiras?

Crear in nov med da lingua ...

analog (sin palpiri) e digital (sco e-books)
en quatter differents idioms cun resguardar las particularitads idiomaticas e las caracteristicas culturalas da las singulas regiuns
didactisà a moda moderna e varianta che fa gust a las scolaras ed als scolars da s’occupar cun lingua
che simplifitgescha l’instrucziun per las scolastas ed ils scolasts cun metter a disposiziun tut il material necessari (cudeschs da lavur, commentaris cun descripziuns detagliadas e soluziuns, material audio/video, models da copiar, controllas dal progress)
orientà a cumpetenzas ed uschia cumpatibel cun il Plan d’instrucziun 21, sa basond sin la grammatica da scola cun ses curtin da lingua
obligatoric per l’instrucziun da rumantsch en scolas rumantschas idiomaticas

Ulteriuras infurmaziuns:
- Josy Marie Künzler, scheffa da la secziun "meds d'instrucziun", uffizi per la scola populara ed il sport, tel. 081 257 22 61, e-mail Josy.Kuenzler@avs.gr.ch
- Rico Cathomas, manader dal project MEDIOMATIX, scola auta da pedagogia dal Grischun, tel. 078 625 75 75, e-mail Rico.Cathomas@phgr.ch

Tge cumpara cura?

Products? (guarda www.lmv.gr.ch sut il chavazzin ‘mediomatix’)

2017: 4 grammaticas da scola en ils idioms sursilvan, sutsilvan, puter e vallader (communicaziun da pressa)
2018: 32 cudeschs da lavur per ils scolars e las scolaras da la 2. cl. prim. e 3. cl. sec. I, analog e digital
2018: 32 commentaris per las scolastas ed ils scolasts da la 2. cl. prim. e 3. cl. sec. I, digital
2018: Homepage (www.mediomatix.ch)
2019: cudeschs da lavur e commentaris per la 3. cl. prim. ed 2. cl. sec. I
2020: cudeschs da lavur e commentaris per la 4. cl. prim. e 1. cl. sec. I
2021: cudeschs da lavur e commentaris per la 5. cl. prim. e 6. cl. prim.
2022: grammatica da scola en surmiran, cudeschs da lavur e commentaris per la 2. cl. prim. surmiran
2023: cudeschs da lavur e commentaris per la 3. cl. prim. surmiran
2024: cudeschs da lavur e commentaris per la 4. cl. prim. surmiran
2025: cudeschs da lavur e commentaris per la 5. cl. prim. surmiran
2026: cudeschs da lavur e commentaris per la 6. cl. prim. surmiran
2027: cudeschs da lavur e commentaris per la 1. cl. sec. I surmiran
2028: cudeschs da lavur e commentaris per la 2. cl. sec. I surmiran
2029: cudeschs da lavur e commentaris per la 3. cl. sec. I surmiran

Proxims termins da scolaziun

Indicaziuns tar las proximas purschidas da furmaziun èn publitgadas qua.

Per ils curs pon ins s'annunziar sur la plattafurma dalla Scola auta da pedagogia dal Grischun.

Survistas dals cuntegns dals meds

Cun cliccar sin ils idioms correspundents pon ins telechargiar ina survista idiomatica dals temas che vegnan mintgamai tractads.

2. cl. prim. (vallader, puter, sursilvan, sutsilvan, surmiran)
3. cl. prim. (vallader, puter, sursilvan, sutsilvan, surmiran)
4. cl. prim. (vallader, puter, sursilvan, sutsilvan)
5. cl. prim. (vallader, puter, sursilvan, sutsilvan)
6. cl. prim. (vallader, puter, sursilvan, sutsilvan)

1. cl. sec. I (vallader, puter, sursilvan, sutsilvan)
2. cl. sec. I (vallader, puter, sursilvan, sutsilvan)
3. cl. sec. I (vallader, puter, sursilvan, sutsilvan)

Survistas dals temas grammaticals (vallader, puter, sursilvan, sutsilvan, surmiran)

Normaziun dal vallader per il diever en scola (vallader)

Grammatica da scola unitara per ils idioms

Emprima grammatica unifitgada en tut ils tschintg idioms

La scola auta da pedagogia dal Grischun ha elavurà per incumbensa dal chantun Grischun en il rom dal project "Mediomatix" in nov med d'instrucziun da lingua analog e digital per la 2. fin 9. classa en tut ils tschintg idioms puter, sursilvan, sutsilvan, vallader e surmiran. Medemamain èn cumparidas grammaticas unitaras per tut ils tschintg idioms. Quellas furman la basa linguistic-teoretica dal med d'instrucziun e stattan immediatamain a disposiziun a las persunas d'instrucziun sco er a las scolaras ed als scolars sco ovras da consultaziun.

La grammatica da scola fa urden en la babilonia da las noziuns grammaticalas e facilitescha uschia la chapientscha per structuras formalas. Cun agid da visualisaziuns vegnan scolaras e scolars intimads da perscrutar sistematicamain la lingua per pudair duvrar quella meglier per l'agen diever. Las grammaticas porschan er ina survista simpla e bain enclegentaivla. Ellas èn cumpatiblas cun il Plan d'instrucziun 21 Grischun.

L'applicaziun da las grammaticas da scola è vegnida declerada da la regenza sco "recumandabla". Las broschuras pon vegnir empustadas en il negozi d'internet per meds d'instrucziun dal chantun Grischun (www.lmv.gr.ch).

Mediomatix en las medias

Ils novs meds da lingua per la 5. e 6. classa primara èn pronts per l'instrucziun. Ins als po empustar tar la Chasa editura per meds d'instrucziun dal Grischun.

Nus as giavischain bler plaschair cun Mediomatix.

Communicaziun en las medias:

2022, Communicaziun Bündner Zeitung

2022, Communicaziun Ruinaulta

2022, Communicaziun La Quotidiana

2022, Communicaziun RTR online

2022, Communicaziun RTR Telesguard (min. 2:47)

2022, Communicaziun TV Südostschweiz (min. 1:47)

2021, Communicaziun La Quotidiana

2020, Communicaziun Cumegn Surses

2020, Communicaziun Bündner Tagblatt

2020, Communicaziun Südostschweiz