Ils segns d’interpuncziun el discuors direct

Il discuors direct ei in element dil text ch'exprima plaid per plaid quei ch'ins di. Ins marchescha il discuors direct cun segns d'interpuncziun specials.

 

Ei dat treis sorts da discuors direct:

 

1. Il discuors direct stat suenter la construcziun accumpignonta.

El di: «Jeu hai fom.»

Il bab cloma: «Vegni!»

Daniel damonda: «Co has ti num?»

 

2. Il discuors direct stat avon la construcziun accumpignonta.

«Quei ei endretg», rispunda la scolasta.

«Va a letg!», camonda la mumma.

«Tgei fas ti?», vul Marc saver.

 

3. Il discuors direct vegn interruts dalla construcziun accumpignonta.

«Claudia», di Reto, «ha bugen pizza.»

«Na», cloma ella, «jeu vegn buc!»

«Livio», damonda ella, «nua vas ti?»