Ils nomens cumponi e lur fuormas dil plural
Ei dat differents tips da nomens cumponi. Quels vegnan screts suandontamein.
• Plaids dil tip nomen + nomen ch'expriman ina part digl entir vegnan per ordinari screts cun ligiom e mo igl emprem plaid vegn mess el plural:
igl esch-casa, ils eschs-casa (igl esch ei ina part dalla casa)
la clav-casa, las clavs-casa
la porta-clavau, las portas-clavau
• Plaids dil tip nomen + nomen ch'expriman buc ina part digl entir vegnan screts senza ligiom e mo igl emprem plaid vegn mess el plural:
la teila falien, las teilas falien (il falien ei buc ina part dalla teila, el fa la teila)
la buglia meila, las buglias meila
il bau cazzola, ils baus cazzola
• Cumbinaziuns da verb + nomen vegnan screttas ensemen ed igl s dil plural vegn aschuntaus alla fin dil plaid:
il portatun, ils portatuns
il battasenda, ils battasendas
igl arvascatlas, ils arvascatlas