Fuormas femininas specialas

Fuormas femininas specialas han ...

• adjectivs che fineschan sin -el, -al, -en, -an, -er.

ventireivel – ventireivla

viscal – viscla

giuven – giuvna

ierfan – orfna

pauper – paupra

 

Adatg:

meglier – megliera

indigen – indigena

cordial – cordiala

 

• adjectivs che fineschan cun in vocal cuort ed in consonant.

grop – groppa

plat – platta

tschuf – tschuffa

rut – rutta

 

• adjectivs cun in consonant dubel ella fuorma masculina han ella fuorma feminina mo in consonant.

svizzer – svizra

mellen – melna

 

• adjectivs cun fuormas irregularas.

lartg – largia

agen – atgna

bi – biala

bien – buna

tgietschen – cotschna

schliet – schliata

pign – pintga

sogn – sontga

gries – grossa

 

• adjectivs feminins da colurs cumbinadas vegnan screts cun ligiom.

in tschiep stgir-verd – ina rassa stgir-verda (mo la 2. part ha in -a)

in pullover clar-blau – ina camischa clar-blaua  (mo la 2. part ha in -a)