Igls pronoms persunals subjects

Igls pronoms persunals subjects inditgeschan la persunga u la tgossa tgi fò ensatge.

ia	Ia screiv en sms.
te	Te lavouras fitg spert.
el	El varda en film.
ella	Ella canta bagn.
i/igl	I neiva. Igl è freid.
nous	Nous giagn an vacanzas.
vous	Vous luvrez mengia bler.
els	Els maglian gugent.
ellas	Ellas organiseschan ena festa.

Remartgas:

• I dat ena furma impersunala digls pronoms persunals, numnada 'pronom neutral': i, igl (avant vocal). Chel pronom ramplazza magari er igl pronom persunal dall'amprema, dalla sagonda e terza persunga plural:

I vagn gist fitto giantar.

I vez franc plascheir dalla surpresa.

Igl on detg tg'els seian davent.

• Igl pronom neutral i sa leia cugl pronom relativ tgi u la conjuncziun schi.

Creist te tgi (= tgi i) neiva chise?

Vurdagn, schi (= schi i) vez tgapia chegl.

Adatg:

Chegl na vala pero betg pigl pronom persunal 'ia'.

El dei tg'ia (e betg: tgi) seia fugeida.