Igls nomens (er: substantivs) dattan nom a createiras ed a tgossas concretas ed abstractas.
mamma, tgang, rischmelna, camiun, clocca, carezza, spiert
Tigls nomens totgan er igls noms propris (noms da persungas, interpresas ed organisaziuns) ed igls noms geografics. Chels vignan scretgs cun en bustab grond.
Claudia, Flurin, Battista, Candreia, Spinas, Turitg, Rona, Surses, Veia Grava, Motta Palousa, Lai da Murmarera, Val d'Alvra
Igls nomens èn pleds tgi on en genus grammatical fix. An surmiran dattigl dus genus grammaticals.
masculin: igl meir, igl erizung, igl pled, igl crap, igl bab, igl iert
feminin: la matta, la pare, l'ameia, la tgesa, l'oura, la veia
Igls nomens vignan duvros per ordinari aint igl singular ed igl plural.
Igl plural regular digls nomens
I dat diversas modas da furmar nomens: Cun cumposiziuns, cun la derivaziun da verbs e cun suffixs.