Il cundiziunel
Cul cundiziunel as po exprimer acziuns u fats irreels e giavüschs.
El vess per poch pers il tren.
Ella füss gnida, sch'ella vess gieu liber.
Be cha quel examen füss già passo!
Fessast il bain da piglier plazza.
Las fuormas dal cundiziunel haun in tuot las persunas ün -ss.
Las desinenzas chi vegnan agiuntas al tschep dal verb sun -ess- per la
1.-3. conjugaziun e -iss- per la 4. conjugazin.
|
güder |
giodair |
vender |
partir |
|
eau güdess |
eau giodess |
eau vendess |
eau partiss |
|
tü güdessast |
tü giodessast |
tü vendessast |
tü partissast |
|
el/ella güdess |
el/ella giodess |
el/ella vendess |
el/ella partiss |
|
nus güdessans |
nus giodessans |
nus vendessans |
nus partissans |
|
vus güdessas |
vus giodessas |
vus vendessas |
vus partissas |
|
els/ellas güdessan |
els/ellas giodessan |
els/ellas vendessan |
els/ellas partissan |